顺德有十个街镇，如果你问我顺德边度嘅灵媒犀利，就我目前既认知，我会霖起呢个人。好耐之前顺德出现过一位叫霞姑的人，非常出名，有人说她来自均安，有的人说她来自北滘，也有人说她来自杏坛。据说霞姑系小榄学过野，会帮人“揭面”，“问米”，“过阴婚”。
顺德上了年纪的人应该都知道霞姑的存在。
今日，我想跟大家分享一个断发冥婚的故事。有听过前面权叔故事的听众，应该都知道，权叔亦都系我地乡下既能人异士，佢年轻的时候经常四周围走，所以见识不少。
尼个故事，就是发生在我们顺德的一个镇上，如果你系顺德人，听完这个故事，就知道这个故事发生的地方了。
同样都系有一次同权叔食宵夜，距心情几好，就讲佐尼个故事比我听。
权叔问我，“你听过冥婚，但系断发冥婚，你有无听过？呢种冥婚可以话系一种接近无解嘅冥婚”。在生之人，也就是我们说的阳人，结婚都会明媒正娶，互相拜祖先，我们都会祝福一对新人白头偕老，早生贵子，而且按照习俗，会有结发这一个仪式。这也就是结发妻子的由来。但是冥婚，准确点来说，是不可能有后代的，普通的冥婚，做完仪式就结束了。但是断发冥婚，在生的一方将自己的头发放入死者口中并随着死者火葬或者土葬而去。这就是断发冥婚，顾名思义，结发，结阴发，将来就算落到阴间，都会如形随影，而在生的时候，亡者也像枕边人一样常伴生人左右。
霞姑问米有个特点，就系唔会等到个人死后几多日先问，而系要个人死后三天之内，唔好落葬，而且就在入殓之前，系个死人面前问。系啊！是在一个死人面前问米。
家属会请霞姑翻屋企，然后就系死人旁边摆好用品，摆好折台俾霞姑用黎问米，请距上黎。识野嘅人都知道，尼种问米系最真实，最可靠的，但也是最容易失控的。因为死去的人分分钟不知道自己已经死了，觉得自己还是活着，不愿意接受已经死去的事实。留恋家中，不肯离去。
有一次，有户有钱人家个独生子意外去世了，然后家属希望请霞姑帮手问下个仔，有乜心愿未了。希望请佢上黎。
通常一个人死左之后，寿被，路票，寿衣等等。。。全部都要备好，仲有脚下引魂灯，床头的寿米，鸡蛋。死者头下会用溪钱做枕头，双脚在入殓之前会赤裸。霞姑去到尼户人家屋企之后，就开始进行仪式问佢个仔上黎，问上黎之后。
佢个仔就话好生前钟意一户人家个女仔，好想佢做自己老婆。仲话点解会死，都系因为个女仔（因为佢个仔系因为感情问题酒后出事离开人世的），话无论如何都要娶个女仔做老婆，话好唔甘心，一定要搵尼个女仔做老婆。
霞姑问完米后就同佢屋企人讲，如果你个仔吾结婚就会上吾到神台，只可以系地主度安个位受香火。
结果佢屋企人听左之后，就开始揾尼个女仔，真系好神奇，佢个仔报的地方，门牌，路段全部吻合。就系有一户女仔，同佢个仔讲嘅一模一样的，而尼户女仔就是住在树生桥的个边。因为个男仔屋企家境都几复杂，而且系捞偏的，所以好快就揾到尼家女仔。上门倾礼金。希望尼户人可以将个女嫁俾佢个仔。
但系一个正常人又点会将自己个女嫁俾一只“鬼”呢。而且事实上尼个女仔根本就唔钟意个男仔。
男仔屋企人软硬兼逢，个男仔一家人就话只要个女仔肯嫁俾佢个仔，就俾十万礼金同一间屋。在当时的那个年代，十万银系一个大数目。不过，试问边有父母会肯将自己个女嫁俾一个死人。我相信无人会愿意。
个男仔见点讲个女仔屋企人都吾肯，于是就走咗。但系佢屋企人捞偏的，所以佢地想揾人绑个女仔翻黎。跟住就去问霞姑，办冥婚要准备d乜嘢，要有乜嘢用品。要点择日。毕竟人死之后吾可以放太多天，毕竟还是要入土为安。霞姑就话，既然个女仔吾肯，咁我都无法帮你，毕竟有违天意。其实当时霞姑还是有点人性的，但系逼于男仔家庭原因，而且个男仔屋企人经常骚扰霞姑屋企人，所以霞姑被迫讲出“断发冥婚”的法门。
所谓断发冥婚就系要双方都剪一小撮头发，然后用男家祖先香炉灰一起包好放入死者口中。这就是意味着，可以生死不离，而且在生一方不能嫁人，因为某种意义上你已经是嫁给了别人。以后百年归老只可以说：“某门某氏”。而且，在生期间，不能改嫁，不能嫁生人，不能有后。
知道呢个办法之后，个男仔屋企人就安排几个人趁个女仔夜晚收工，捉住佢剪咗一撮头发，跟住就走咗。个女仔吓到面青，马上就翻去同屋企人讲自己刚刚俾人剪头发嘅嘢，一开始以为俾人抢劫，其实系剪佢头发，觉得自己遇到变态佬，吓到成个人都离晒魂。
女仔的屋企人都识得小小嘢，于是就问d神婆啊，问d懂门道的人。佢地都话，尼件事不是小事。个时候，女仔屋企同权叔都有缘分的，因为佢地伯爷帮过权叔屋企。所以，权叔听完整件事后就打算帮佢地屋企一家人。
权叔好嬲，佢话断发冥婚咁阴毒嘅嘢，都有人做，真系吾怕天遣。而且感情是不能强迫的，咁样做真的是人神共愤。权叔问左女仔的时辰八字，都同个女仔简单解释左现在她遇到的事。仲叫佢吾好惊，吾好慌。同时叫佢报警，先寻求保护。但系，平心而论，遇着这个事，正常人真的好难平静落黎，更何况是一个女生。
权叔叫个女仔将头发，指甲，脚甲，牙齿（细个换牙的牙仔），仲有d其他嘢，全部准备好，然后就交俾权叔。权叔睇咗女仔屋企周围环境，就翻去同佢地屋企人讲，因为个男仔过黎“迎亲”一定要过“社罗公”。而且一定要过尼棵树，尼座桥，所以佢有办法帮佢处理。权叔好仔细睇过个棵树，佢话个棵树已经有灵性，而且附近香火重。我估个男仔屋企一定要生人带亡魂香火，而且要藏魂，先可以“迎亲”。
权叔做好准备就同个女仔讲：“宜家，我已经有你的“生基”了，我决定帮你种落尼棵树度，到时候个男仔过桥，就一定过吾到，佢娶唔到你翻去，你唔使惊。但系你三年内吾可以讲俾任何人知你个生辰八字，连查花问流年都吾得。每年大节都去拜棵树，直到你将来决定要结婚，对方男家过大礼，你先可以还身。而且过大礼要先下礼俾棵树。要多谢佢多年庇护之恩，知道吗？”
于是权叔就带住个女仔，就揾到那棵树，跟住就完成了仪式，叫个女仔对住棵树拜三拜，跪系度诚心求棵树庇佑佢。跟住就做完仪式就走。
权叔同我讲，佢送个女仔翻去之后，处理埋d手尾，就请起个社罗公，请起个地主，请起棵树，希望可以阻止阴人过桥抢亲。后来权叔同我讲，佢用生石灰，狗毛，鸡血铺系桥，化左几条符。咁就香火无办法过桥，即系d“迎亲队伍”过吾到，无办法迎亲。个男如果夹硬黎，就会封魂系棵树度。
到咗个晚，男家就“带埋“霞姑准备迎亲（其实就系押住霞姑，感觉就系要挟）。女仔屋企都报左警话有人会夜晚骚扰，希望派出所可以安排人过黎处理。而权叔当晚就系女仔屋企，毕竟警察是处理能看到的，而权叔是处理警察或者是正常人看不到的。
到了差不多迎亲的时间，权叔话，系夜晚11点左右，就听到零零碎碎的脚步声，因为当时权叔就坐在二楼阳台，看得一清二楚。权叔见到大概有二十几个人吧，穿着黑色衣服，走前面的拿着香火，还拿着衣服，嫁妆，封喉牲畜（就是用透明胶把嘴封起来，不能叫出声音），仲有其他物品。当然走前面的就是霞姑，对于霞姑，权叔还是认识的，而且也了解她的一些故事。
刚过桥的时候就听到有人开始叫魂，好似喊惊咁。但系支香一上桥就熄，落桥先可以点着，再一上桥就熄，如此反复好多次。权叔系二楼阳台睇住整个过程。佢话，硬闯就无意义了，到时候“新郎”分分钟魂飞魄散。霞姑当时都知道有师傅做咗野，于是就劝男家走。权叔睇到佢地准备调头，但系男家想到要帮个仔，决定点都要过桥抢婚，但系无奈支香火一上桥就熄，而且开始翻风，好多树叶吹落黎。
走系前面嘅霞姑好大声讲：“尼位师傅，诸位社罗，土地，多多得罪，多多得罪”。于是霞姑就开始叫人拿d烧香烛元宝，系桥下面念念有词讲几句嘢。大概5分钟左右，霞姑就带住支香火准备硬闯，霞姑拿佐条黑布遮住香火，一个箭步就冲上桥，但系行到一半，佢就唔够胆再走，因为好明显支香火又准备熄了。
于是霞姑只好慢慢退后，只香又慢慢着翻。霞姑同男仔屋企人解释了实际情况，尼度已经有师傅做咗野了。行唔通，如果硬闯，分分钟个仔连鬼都做吾成。佢已经尽全力了，后来辗转一轮，警察也到了现场调解，最后男仔屋企父母都决定放弃。后来，男仔屋企父母主动上门还翻撮头发俾个女仔，权叔都帮佢地处理好d手尾。最后，女仔都嫁得一户好人家。
